"Etihad Airways" თბილისის მიმართულებით ფრენებს იწყებს

„Etihad Airways” თბილისის მიმართულებით ფრენებს იწყებს არაბთა გაერთიანებული საამიროების ნაციონალური ავიაკომპანია „Etihad Airways” 2015 წლის 2 ოქტომბრიდან ქართულ ავიაბაზარზე შემოსვლას გეგმავს. არაბული ავიაკომპანია ფრენებს თბილისის საერთაშორისო აეროპორტის მიმართულებით, აბუ დაბი-თბილისი-აბუ დაბის რეისზე, კვირაში სამჯერ, ოთხშაბათს, პარასკევსა და კვირას Airbus A320 ტიპის ბორტით შეასრულებს. არაბთა გაერთიანებული საამიროების ნაციონალური ავიაკომპანია „Etihad Airways”, 2003 წლის ივლისში დაფუძნდა. ავიაკომპანიის სათაო ოფისი არაბთა გაერთიანებული საამიროების დედაქალაქ, აბუ დაბიში მდებარეობს. კომპანიის საერთაშორისო ქსელში გაერთიანებულია 109 მიმართულება მათ შორის, ახლო აღმოსავლეთი, აფრიკა, ევროპა, აზია, ავსტრალია და ჩრდილოეთ ამერიკა. ამჟამად „Etihad Airways” ის ფლობს 102 ავიახომალდს, სამომავლოდ კი გეგმავს 210 ახალი ავიალაინერის შეძენას. 2009, 2010, 2011, 2012, 2013 წლებში „the World Travel Awards“-ზე „Etihad Airways” „მსოფლიოს ლიდერი ავიაკომპანიის“ ჯილდოს მფლობელი გახდა.